A área fluvial de Vilarello aumenta os seus equipamentos cun circuíto biosaludable

Conta con dez elementos especializados para a práctica da actividade física.

O proxecto foi promovido polo Concello e subvencionado con fondos europeos a través do GDR Salnés Ulla-Umia.

A área fluvial de Vilarello, un dos principais espazos recreativos do concello, acaba de ver aumentados os seus equipamentos coa instalación dun parque biosaludable. Trátase dun circuíto composto por dez elementos especializados para a práctica da actividade física, e principalmente dirixidos á poboaciónmaior. Patíns, bicicleta, elíptica ou pedais con asento son algunhas das pezas que integran este novo parque.

Biosaludable Vilarello. Fonte: Concello

Este proxecto foi promovido polo Concello co obxectivo de dotar a este entorno natural de novos servizos, creando espazos axeitados para o seu uso por parte de todos os grupos deidade e ampliando a oferta de actividades deportivas, recreativas e culturais a desenvolver neste espazo, que atrae tamén a numerosos visitantes.

Biosaludable Vilarello. Fonte: Concello

A actuación financiouse, en parte, con fondos europeos do programa Leader, a través dunha subvencióndo Grupo de Desenvolvemento Rural Salnés Ulla-Umia.