A Cañiza formará parte neste 2025 da oferta cultural e turística do tour operador internacional «ENJOY TRAVEL GROUP»

Así o anunciou o Alcalde Luis Piña esta mañá, tras a súa visita á Feira Internacional de Turismo de Madrid, que se celebra do 22 ao 26 de xaneiro, na que tivo a oportunidade de coñecer de primeira man os programas do tour operador mayorista «ENJOY TRAVEL GROUP» que dende este 2025 traballará coa nosa zona.

A empresa ofertará conxuntamente neste ano os activos turísticos da Cañiza, Covelo e Mondariz Balneario para atraer viaxeiros e dinamizar o noso territorio.

Un acordo constatado polos rexedores no stand que o tour operador ten na Feira Internacional de Turismo de Madrid «FITUR», un punto de encontro global para os profesionais do turismo e feira líder dos mercados receptores e emisores de Iberoamérica.

En «FITUR», o equipo da empresa Enjoy Travel Group  presentou xunto cos Alcaldes os seus novos produtos en Galicia, nos que están presentes os activos turísticos dos nosos Concellos ademáis do Camiño de Santiago e o Camiño da Estrela como protagonistas.

Unha boa noticia para o sector turístico da Cañiza que amplía e potencia a promoción da riqueza cultural e natural endóxena, coas paixases e a gastronomía como referentes ademáis de dar a coñecer as excelentes conexións da Cañiza con toda Galicia e o resto de España, a través do Ave Ourense -Madrid, sen esquecernos das nosas comunicacións con Portugal.

Enjoy Travel Group está formado por un equipo de profesionais apaixoados polas viaxes cunha experiencia acumulada na industria turística de mais de 20 anos e oficinas de representación en mais de 11 países, presentes en América, no Caribe e en Europa.