A Cañiza supera o récord de 2023 ao fornear un «bocata de xamón» de 20,38 m

Pasadas as 22h deste 13 de agosto, conseguimos fornear a barra de pan rústica que superou os  19,5 m. de lonxitude do ano pasado e loncheamos un xamón nun só lisco de 23,30 m.

O Alcalde Luis Piña, Víctor Burgos, Panadería Pirucho, Javier Souto e os empregados do Concello repartiron entre todos os asistentes máis de 650 bocadillos de xamón.

Tamén forneamos una rosca doce de postre e os nenos poideron gozar co obradoiro de masa de pan  que comezou sobre as 19h e que este ano superou a participación, deixando pequeno o espazo habilitado.

Unha actividade organizada polo Concello da Cañiza no marco das celebracións da 58 Feira do Xamón deste 15 de agosto.

Segundo comunicou o Alcalde “este ano conseguimos fornear a barra de pan máis grande das 9 edicións, nunha orixinal estrutura de 6 metros de longo polo que transita o pan.  Os 20,38 m. de bocadillo tiveron un tránsito total de 3 horas permanecendo a peza dentro dos 6 metros do forno, unha media de entre 35´ e 40´ minutos e o resultado foi un saboroso bocata de pan rústico enriquecido co noso xamón”.

Tamén a partires das 6 da tarde os máis pequenos comezaron a desfrutar do obradoiro de pan na que nenas e nenos, ataviados cos seus mandís e gorras de cociñeiro, agasallos do Concello, puideron fabrican pan, baixo a supervisión dos maiores, dando forma ás pezas máis orixinais.

O Alcalde agradeceu e felicitou aos profesionais, empresarios e traballadores do Concello polo traballo desenvolvido un ano máis.

Hoxe continuamos coa programación da 58 Feira do Xamón coa celebración do curso de corte de xamón e cata de viños que comezará ás 19h na Rúa Oriente. A actividade é gratuíta pero ten aforo limitado a 100 prazas polo que é necesario inscribirse. Ás 18h abre a inscrición nas portas do Concello ( rúa Oriente, nº 11).

Esta actividade está reservada únicamente a maiores de 18 anos, non podendo reservar nin ocupar os espazos habilitados, menores de idade.