A RFGF reparte máis de 600 mil euros entre os clubs que presentaron a solicitude

A Real Federación Galega de Fútbol vén de publicar a primeira resolución das axudas federativas da tempada 24-25. Son xa preto de 600 os clubs de fútbol e fútbol sala que formalizaron de maneira correcta a solicitude das axudas a través da plataforma habilitada na páxina web. Os que aínda non o fixeron no prazo establecido teñen unha prórroga de dez días hábiles para realizar dita solicitude.

Pincha no seguinte enlace para ver como solicitar a axuda

O resultando desta primeira resolución é que a RFGF vai a ingresar aos clubs máis de 600 mil euros, 624.049 en concreto. Trátase dunha cantidade moi relevante que se verá incrementada cando remate o prazo da prórroga e se publique a segunda resolución.

A RFGF leva avrios anos destinando para os clubs a cantidade íntegra que se recibe do 1% dos dereitos de TV do fútbol profesional e incluso completa a cantidade total das axudas con recursos propios, ata chegar a unha cantidade aproximada de 1.200.000 euros.

1ª RESOLUCIÓN