A vicepresidenta Luisa Sánchez participa na entrega do Premio Peme do Ano 2024 da Cámara de Comercio

”A vicepresidenta da Deputación de Pontevedra, Luisa Sánchez, participou este martes na entrega do Premio Peme do Ano 2024 da Cámara de Comercio de Pontevedra, Vigo e Vilagarcía de Arousa, un galardón no que ademais a vicepresidenta tivo “o honor”, asegurou, de formar parte do seu xurado, cunha “elección que non foi nada fácil porque na provincia de Pontevedra temos o mellor equipo humano”.

Luisa Sánchez agradeceu o convite lembrando que unha das áreas da súa vicepresidencia na Deputación é a do impulso ao emprego, “desde a que levamos a cabo iniciativas para crear novas oportunidades e para que un bo número de empresas e emprendedores se adapten aos tempos que corren para sobrevivir nun mundo tan competitivo e feroz”.

A vicepresidenta destacou a “necesidade de premiar e visibilizar o talento emprendedor do noso territorio” e valorou positivamente que o Premio Peme do Ano, que recaeu na edición deste 2024 en Industrias Guerra (Vila de Cruces), tivese en conta a sustentabilidade, a innovación e dixitalización, a internacionalización e a formación e emprego, “cuestións que non se deben desdeñar á hora de crear unha iniciativa empresarial xa que dan conta da sintonía coa actualidade desde o punto de vista do crecemento económico e do respecto a un planeta que está sufrindo e necesita unha especial protección”