A vicepresidenta Luisa Sánchez participa no acto de entrega de premios do XLI Campionato Galego Sub 13 de bádminton

A vicepresidenta da Deputación de Pontevedra, Luisa Sánchez, participou hoxe na Escola Rosalía de Castro no acto de entrega do XLI Campionato Galego Sub 13 de bádminton, onde aproveitou para felicitar ao Club Escola Rosalía e ao seu director técnico, Jesús Gómez, “polo traballo que realizades en favor do bádminton e que culminou nesta temporada de 2024 ‘perfecta’, cun pleno de vitorias e ascenso á división de prata na Liga Nacional”. Ademais, a vicepresidenta provincial amosou o seu compromiso e o da Deputación coa entidade deportiva e as súas demandas, “así como as do resto dos clubs, entidades e deportistas, co único obxectivo de poder estar á altura dos vosos logros”.