A XUNTA RECIBE 9 OFERTAS PARA A CONTRATACIÓN DOS SERVIZOS DE DIRECCIÓN DE EXECUCIÓN E SEGURIDADE E SAÚDE DA CONSTRUCIÓN DE 20 VIVENDAS EN MOS

―    A Consellería de Vivenda e Planificación de Infraestruturas licitou os contratos por importe de 72.037 euros

―   Para a construción destas 20 vivendas, licitadas por máis de 4,1M€, recibíronse dúas ofertas de empresas, estando en tramitación a súa adxudicación

―    Trátase de construír un edificio de tres plantas, de entre dous e catro dormitorios, con 29 prazas de garaxe e 20 rochos

―    Os diversos espazos comunitarios organizaranse ao redor de dous patios centrais, que permitirán a entrada de luz natural e a mellor ventilación das vivendas

A Consellería de Vivenda e Planificación de Infraestruturas recibiu un total de nove ofertas para a contratación dos servizos de dirección de execución e coordinación de seguridade e saúde para a construción de 20 vivendas de promoción pública en Mos.

Para o servizo de dirección de execución das obras recibíronse cinco ofertas. O contrato foi licitado o 12 de agosto por importe de 58.586 euros.

Para o servizo de coordinación de seguridade e saúde foron catro as ofertas recibidas. Este contrato licitouse o 12 de agosto pasado por importe de 13.450,97 euros.

A adxudicación da obra de construción das 20 vivendas está actualmente en fase de tramitación, tras terse presentado dúas ofertas para executalas. As obras foron licitadas o pasado 1 de agosto por importe de 4.123.310 euros

O novo edificio

O futuro edificio contará cunha planta de soto, planta baixa e tres plantas altas. Das citadas 20 vivendas, unha será adaptada, e o inmoble contará con 29 prazas de garaxe e 20 rochos. A nova promoción pública neste municipio pontevedrés localízase na parcela 702 do polígono 52 do Barrio San Eleuterio-Tameiga.

En concreto, a planta soto, con acceso desde a vía A do polígono de San Eleuterio, destinarase a 20 prazas de garaxe, 20 rochos e cuartos de instalacións. Haberá outras 9 prazas de aparcamento en superficie. Así mesmo, na planta baixa, ademais do portal, habilitaranse catro vivendas (unha delas adaptada a persoas con mobilidade reducida), un núcleo de comunicación vertical, instalacións e un patio.

Nas plantas primeira a terceira distribuiranse o resto das vivendas, catro na primeira planta e seis nas plantas superiores. As nove prazas de garaxe restantes sitúanse en superficie, dentro da propia parcela da edificación.

Das 20 vivendas, dúas disporán de 4 dormitorios, cunha superficie útil de 117,42 m²; outras 14 contarán con 3 dormitorios (unha delas adaptada a persoas con mobilidade reducida), cunha superficie útil que oscilará entre os 95,22 m² e 114,78 m²; e 4 vivendas terán 2 dormitorios, cunha superficie útil de 69,87 m².

A edificación organizará as vivendas e os diversos espazos comunitarios arredor de dous patios centrais, que permiten a entrada de luz natural e melloran a ventilación das vivendas á vez que se favorece a relación co espazo exterior.

O proxecto cumpre o Real decreto 853/2021, de 5 de outubro, polo que se regulan os programas de axuda en materia de rehabilitación residencial e vivenda social do

Plan de Recuperación, Transformación e Resiliencia. En concreto, teñen en conta as prescricións sobre eficiencia enerxética, consumo de enerxía non renovable, circularidade e xestión.