A XUNTA SEGUIRÁ DANDO A BATALLA POR UNHA AP-9 GALEGA E PIDE AO GOBERNO QUE ACLARE QUE PASARÁ O 1 DE XANEIRO COAS PEAXES

A conselleira de Infraestruturas e Mobilidade, Ethel Vázquez, asistiu ao debate e aprobación en Pleno da Proposición de Lei de transferencia da titularidade e competencias da AP-9 a Galicia para a súa remisión ao Congreso dos Deputados,

―      Vázquez Mourelle lembra que a AP-9 ten das peaxes máis elevadas do Estado, pese ás bonificacións, e a comezos deste ano 2023 as súas tarifas encarecéronse unha vez máis

―      Insta ao Goberno de España a clarificar se vai adoptar medidas como a Xunta, que conxela por segundo ano consecutivo as tarifas nas autoestradas autonómicas, ou se vai permitir un novo incremento nas peaxes

―      A Xunta leva máis de 14 anos defendendo a transferencia desta vía esencial para os desprazamentos diarios de milleiros de persoas, a competitividade e a seguridade viaria

―      Destaca que a Xunta ten experiencia de xestión e un profundo coñecemento das necesidades de mobilidade dos galegos, polo que está preparada para asumir a transferencia da AP-9 e mellorar o servizo aos cidadáns

―      Advirte de que no pacto de investidura o BNG renuncia á transferencia da AP-9, á que o Goberno socialista de España xa lle trasladou a súa negativa