Actuacións previstas por el concello de Vigo en taludes da cidade

Os traballos consistirán na eliminación das especies invasoras que axudan a propagar o lume, como as acacias negras, que poñen en perigo a seguridade cidadá polos amplos espazos que ocupan, e porque se atopan en zonas próximas a vivendas ou estradas.

Ademais da seguridade, a intervención mellorará a protección dos bens materiais e minimizará os riscos ante un incendio ou un temporal.

No talude de Falperra as acacias negras substituiranse por árbores frondosas e especies tapizantes resistentes á excesiva exposición ao sol, á temperatura e á contaminación.

Nos taludes de Subida á Costa e de Arquitecto Palacios rexenerase o chan con plantacións de árbores de menor altura que os actuais para reducir o efecto vela nos días de vento.

As obras comezarán o 4 de marzo no talude de Arquitecto Palacios para continuar no de Falperra e finalizar en Subida á Costa.

Co fin de evitar riscos para a seguridade cidadá ante condicións climatolóxicas adversas, o Concello comenzará esta semana os traballos de poda previos á substitución

por árbores de Ginkgo Biloba dos castiñeiros de indias da rúa Manuel Olivié que se atopan en peor estado.