Alfonso Rueda firmó coa Fundación ”la Caixa” que destina 11 millóns de euros para acción social en Galicia

diariodevigo

O presidente da Xunta de Galicia, Alfonso Rueda, e o presidente da Fundación ”la Caixa”, Isidro Fainé, asinaron en Santiago de Compostela o convenio marco que contempla a colaboración entre ambas as dúas institucións en materia de acción social, educativa, científica e cultural durante 2023.

Grazas a este convenio, a entidade dedicará un total de 11 millóns de euros a acción social na comunidade en 2023.

Con este acordo, a entidade potencia os proxectos sociais dirixidos a loitar contra a pobreza e a exclusión social, e a facilitar a contratación de persoas en situación de vulnerabilidade, así como contribuír ao benestar de persoas con discapacidade ou en risco de exclusión.

O pasado 14 de novembro arrancou en Lugo o programa para a Atención Integral a Persoas con Enfermidades Avanzadas, que se desenvolve no Hospital Lucus Augusti, da man de Cruz Vermella.

Tamén en Lugo pode verse actualmente a exposición gratuíta “Comeza o espectáculo. Georges Méliès e o cine de 1900”, na Praza Horta do Seminario.

«Compráceme renovar o compromiso da Fundación coa sociedade galega, tan querida para nós. Este acordo permítenos estar máis preto das persoas, especialmente daquelas en situación de vulnerabilidade. O noso obxectivo é traballar para avanzar cara a unha sociedade máis xusta e igualitaria, que dea máis oportunidades a quen máis o precisa. Unha acción social que redunde, en definitiva, nunha mellora da calidade de vida dos

galegos», expresou o presidente da Fundación ”la Caixa”, Isidro Fainé.

(De izqda a dcha) Fabiola García, Consellera de Política Social y Juventud de la Xunta; el presidente de la Xunta de Galicia, Alfonso Rueda; y el presidente de la Fundación ”la Caixa”, Isidro Fainé, y Susan Santos, delegada de la Fundación en Galicia.