ANA ORTIZ AMOSA AOS HOSTALEIROS A “EXCEPCIONAL OFERTA FORMATIVA” DA ESCOLA DE HOSTELERÍA do CIFP MANUEL ANTONIO, O MAIOR CENTRO EDUCATIVO DE VIGO

• A delegada territorial da Xunta fixo un percorrido este xoves pola escola viguesa xunto con representantes de Ahosvi e Feprohos

A delegada territorial da Xunta en Vigo, Ana Ortiz, e o xefe territorial de Educación, César Pérez Ares, visitaron este xoves a Escola de Hostelería do CIFP Manuel Antonio xunto con representantes da Asociación de Hostelería de Vigo (Ahosvi) e a Federación Empresarial de Turismo e Hostelería de Pontevedrda (Feprohos).

Durante o percorrido, a representante autonómica destacou a oferta formativa da escola que destaca pola súa traxectoria e prestixio dende fai xa 24 anos na nosa cidade. “Estamos no maior centro educativo de Vigo, con máis de 1.600 alumnos, e ante unha formación dunha calidade oferta excepcional”, sinalou.