Caballero lamenta que a Xunta “non fora capaz de facer en tempo e forma a ampliación do IFEVI”

Compartir
Rolda de prensa. Fonte: Concello

O Alcalde exixiu responsabilidades en rolda de prensa polo atraso da obra logo do compromiso da Conselleira de Infraestruturas, Ethel Vázquez, de telo rematado a mediados de setembro e dispoñible para a Feira Conxemar.

 

Conxemar non terá a súa disposición a ampliación do IFEVI para a feira deste ano que celébrase os días 5, 6 e 7 de outubro. Así confirmouno Abel Caballero en rolda de prensa que lamentou “a incapacidade da Xunta para facer a obra en tempo e forma”.

O Alcalde lembrou que o Concello puxo a dispor da Xunta de balde o chan para a ampliación, e que desde o Goberno Autonómico “non foron capaces de cumprir o seu compromiso”, a pesar das advertencias do Goberno local de comezar o proxecto antes pola falta de tempo.

Deste xeito, o rexedor exixiu responsabilidades e preguntouse quen vai dimitir “pola incapacidade dunha cuestión tan fácil como esta, unha obra menor, que non é o Empire State”.

Caballero asegurou que Conxemar “irá ben polo traballo marabilloso que fan os organizadores, e que quere que a feira siga a celebrarse en Vigo”.