Caballero subliña o compromiso municipal coa nova Axenda Urbana

Compartir
Abel Caballero. Fonte: Concello

O presidente da FEMP participará mañá en Sevilla na constitución do Foro Local da Axenda Urbana. En rolda de prensa, anunciou o compromiso dos gobernos locais coa UA, o marco estratéxico e a guía para promover un novo modelo de cidade sostible, segura, inclusiva e resistente.

 

O presidente da FEMP, Abel Caballero, referiuse esta mañá á Axenda Urbana, UA, como “un novo xeito de ver as cidades” que implica un novo urbanismo, a construción de máis vivendas e maior dispoñibilidade, mellor mobilidade e, no medio prazo, máis benestar para os cidadáns. Así, anunciou o compromiso dos gobernos locais coa UA, o marco estratéxico e a guía para promover un novo modelo de cidade sostible, segura, inclusiva e resilente.

Caballero estará mañá en Sevilla para participar na constitución do Foro Local da Axenda Urbana, un punto de encontro do máis alto nivel entre o Ministerio de Transportes, Mobilidade e Axenda Urbana, MITMA, e as Entidades Locais, a través da FEMP. A creación deste Foro terá lugar no marco do III Foro Global de Gobernos Locais que, dende onte e ata mañá pola tarde, convoca a expertos e funcionarios nacionais e internacionais en materia urbana baixo o lema “Cidades e territorios en recuperación social e económico ”.