CASE TRES MIL ESTUDANTES COMEZAN HOXE O CURSO ESCOLAR NO PORRIÑO

• A emoción do primeiro día invade as aulas, que contan cun número similar de alumnos con respecto o curso anterior
• Esta mañá volveron ás aulas 2.936 estudantes no Porriño, dos distintos niveles educativos desde infantil ata bacharelato, incluíndo ciclos medios e superiores de Formación Profesional e o alumnado de ACEESCA

Esta mañá volveron ás aulas 2.936 estudantes no Porriño, dos distintos niveles educativos desde infantil ata bacharelato, incluíndo ciclos medios e superiores de Formación Profesional e o alumnado de ACEESCA, segundo informa a concelleira de Educación, Carolina González.

Neste curso académico hai 445 estudantes de Educación Infantil, un 15,2% do alumnado total, e o centro con máis alumnos de 3 a 5 anos é o CEIPP Antonio Palacios, con 109 cativos e cativas.

Educación Primaria suma 1.127 estudantes, un 38,4% do total, sendo o CEIPP Fernández López o que acolle o maior número deles: 268.

A Ensinanza Secundaria Obrigatoria (ESO) conta con 840 estudantes, un 28,6% do total, dos cales 381 cursarán no IES Pino Manso.

O alumnado de Bacharelato do IES Pino Manso duplica ao do IES Ribeira do Louro, e en total suman 282 estudantes, un 9,6% dos alumnos e alumnas que comezan este curso nos centros educativos do Porriño.

A Formación Profesional comeza setembro con 214 estudantes: 89 de FP Básica, 58 de Ciclos Medios e 67 de Ciclos Superiores.

Pola súa banda, ACEESCA conta con 28 alumnos e alumnas.

Alejandro Lorenzo, Alcalde de O Porriño, falando con docentes no inicio do curso