O vicepresidente primeiro e conselleiro de Presidencia, Xustiza e Deportes, Diego Calvo, acompañado do secretario xeral para o Deporte, José Ramón Lete Lasa, realizou hoxe unha visita institucional a Mos para coñecer as necesidades do concello.
Ademais da Casa do Concello, o percorrido pola localidade incluíu a renovada pista polideportiva de San Eleuterio, na parroquia de Tameiga. Tamén se visitou o auditorio do Pazo de Mos, un importante espazo histórico e cultural.