Máis de 200 persoas asisten ao Viño de Nadal do PP de Baiona

Máis de 200 persoas asistiron esta pasada fin de semana ao tradicional Viño de Nadal do PP de Baiona, que se celebrou no Hotel Bahía e que estivo encabezado polo alcalde e presidente da agrupación local, Sito Almuíña.

O encontro servíu para seguir fortalecendo o contacto coa militancia de Baiona e para poñer en valor o traballo realizado no Concello nestes trinta meses para reactivar os investimentos e a atención os veciños e tamén a labor orgánica emprendida polo PP local para presentar o proxecto máis forte de cara ás eleccións municipais de 2027.

Esta xuntanza navideña tamén foi arroupada por outros cargos populares e contou coa presenza da secretaria xeral do PP provincial, Luisa Piñeiro; a conselleira de Economía e Industria, Chus Lorenzana; o voceiro parlamentario do PPdeG, Alberto Pazos; e os deputados autonómicos Feli Rodríguez e Míchel Fidalgo.