Miranda sitúa as máis de 60 medidas de estratexia retorna, como mostra do compromiso do Goberno Galego no acompañamento aos retornados

Compartir
Retorna. Fonte: Xunta de Galicia

O secretario xeral da Emigración participou, xunto a delegada da Xunta en Vigo, Marta Fernández-Tapias, nun acto sobre as diásporas de ida e volta que organizou en Vigo a Federación de Venezolanos de Galicia, Fevega.

O responsable da Secretaría Xeral destacou que a presenza dos retornados permite dotar a Galicia dos mellores recursos, para que a nosa sociedade afronte os retos da globalización.

 

O secretario xeral da Emigración, Antonio Rodríguez Miranda, e a delegada da Xunta en Vigo, Marta Fernández-Tapias, participaron onte a tarde no acto sobre as diásporas de ida e volta que organizou na cidade olívica a Federación de Venezolanos de Galicia, Fevega, e na que, entre outros temas, analizouse o retorno como un dos acontecementos máis relevantes no eido da migración das últimas décadas.

Durante a súa intervención, Antonio Rodríguez Miranda destacou a labor que neste senso está a realizar o Goberno galego de cara a apoiar de xeito integral aos galegos retornados durante a súa incorporación a sociedade, tanto coa posta en marcha de axudas concretas para o emprendemento e a formación académica, como coa creación das oficinas integrais de información e asesoramento ao retorno que se atopan nas principais cidades de Galicia e que serven para acompañar as familias retornadas na súa adaptación a sociedade galega.

O secretario xeral da Emigración situou as máis de 60 medidas da Estratexia Retorna como mostra do compromiso do Goberno galego no acompañamento aos retornados, recordando que precisamente é a presenza dos galegos do exterior que regresan a que permite dotar a Galicia dos mellores recursos para que a nosa sociedade afronte os retos da globalización.