Neva no Pazo de Mos para darlle a benvida ao Nadal
diariodevigo
4 diciembre, 2023
Canóns de neve, música e chocolate quente no primeiro evento navideño mosense
Centos de persoas participaron onte pola tarde no acto de acendido do alumeado de Nadal o ao que asistiron a alcaldesa e goberno local
A alcaldesa de Mos, Nidia Arévalo, e os concelleiros e concelleiras do goberno local, participaron onte pola tarde no acto de acendido do alumeado de Nadal nos exteriores do Pazo de Mos, xunto con centos de persoas que non quixeron perder o espectáculo navideño cargado de actividades, música, diversión e neve.
Así chegou o tan esperado acto inaugural do acendido navideño, que marca o inicio do Nadal en Mos e representa, xunto coa Festa Pre Fin de Ano do 30 de decembro, un dos acontecementos máis esperados e concorridos, tanto destas datas, como de toda a programación lúdica e cultural mosense.
O acendido do alumeado de Nadal na contorna do Pazo de Mos deu comezo ás 18:00 horas e contou co espectáculo infantil “A Raíña da Neve”, a actuación musical dos “King Kids”, así como canóns de neve artificial e fotomatón con foto de regalo e obradoiros infantís de pintacaras e globoflexia.
MÉRCORES 6
• 18:00h • Auditorio de Torroso
Concerto Santa Icía
Coral Polifónica Ventos do Val
SÁBADO 9
• 20:00h • Multiusos das Pozas
Festival de Nadal Escolas Baile Deportivo Patricia Martínez