Nova DepoRuta BTT o vindeiro 29 de agosto en Cangas

Compartir
A Concellaría de deportes do concello de Cangas informa que a Deputación de Pontevedra, dentro do seu programa DepoRutas BTT para o fomento de hábitos saudables mediante a práctica da actividade física e deportiva en contacto coa natureza, organizará o vindeiro domingo 29 de agosto unha ruta en Cangas.
A ruta terá como punto de saída e chegada as proximidades da Fábrica Conservera de Massó, contando con un percorrido de un total de 30 km polo entorno da Costa da Vela.
Para poder participar deberán inscribirse na páxina web da Deputación de Pontevedra/Temas/Deportes e ofertaranse un total de 200 prazas nos seguintes prazos:
Peche de inscricións: 20 de agosto.
Data de realización: 29 de agosto.