O Concello de Ribadumia abre o prazo de matrícula nas actividades municipais

Compartir
Actividades en Ribadumia. Fonte: Concello

O remate da situación de emerxencia sanitaria fai que se poida retomar a actividade con certa normalidade pero sempre respectando as medidas sanitarias impostas polas autoridades en función da evolución.

Por este motivo, o Concello de Ribadumia comunica que a partir do LUNS 25 de Outubro abre o prazo de inscrición para solicitar praza, para participar nas actividades municipais. Para inscribirse, será necesario achegarse ás oficinas municipais;  para cubrir a solicitude corresponde e aportar copia do DNI e copia da conta bancaria ou de algún recibo onde conste o IBAN.

Contaremos con actividades moi variadas, tanto no contido como no público ao que van dirixidas posto que haberá para adultos, nenos e terceira idade.

Entre a oferta dispoñible, podemos destacar actividades coma tenis, baile moderno, manualidades, cociña creativa ou informática, todas elas para nenos, ximnasia de mantemento, taller de memoria, bailoterapia ou musicoterapia, encamiñadas á terceira idade ou pilates, body jump, gap, ioga, zumba, punto de cruz, inglés ou informática entre outras, para adultos.

Poderán consultar estas e todas as demáis chamando ás oficinas municipais aos teléfono,  986718491 / 986716499 ou achegándose ó Concello.