“O mel non caduca” integra a oferta teatral da fin de semana no auditorio de Vilagarcía

Ibuprofeno Teatro presenta mañá ás 20.00 horas obra con mensaxe ecolóxica
A entrada custa 5 euros.

O ciclo de teatro galego que organiza a Concellería de Cultura xunto coa Agadic prosegue mañá no Auditorio co novo espectáculo de Ibuprofeno Teatro. A premiada compañía presenta na capital arousá “O mel non caduca”, unha obra con mensaxe ecoloxista e anti consumista que alerta sobre as consecuencias do que lle pode pasar a chegar ao medio ambiente, e tamén ás persoas, de continuar polo camiño que imos. A entrada xeral custa 5 euros e as bonificadas para maiores de 65 anos,.titulares do carné xoven e desempregados, 3 euros.

Pódense adquirir anticipadamente en http://www.ataquilla.com e no teléfono 902 504 500, (máis custes de xestión), e mañá a partir das 18.00 horas na billeteira do Auditorio, (sen custes engadidos).
.
Avelino González e Marián Bañobre compoñen o elenco de actores que dan vida á peza creada e dirixida por Santiago Cortegoso e que a propia compañía define como un espectáculo biodegradable e ecosostible xestado a partir dun proceso de creación colectiva, arredor da relación do ser humano cos obxectos, da degradación ecolóxica do planeta por mor da perversa lóxica consumista do capitalismo e da obsolescencia programada, tanto dos produtos como das persoas.

Sinopse

Dous científicos/apicultores, en 2173, levan a cabo sofisticados e absurdos experimentos, nun contexto de futuro distópico no que o planeta está arrasado. Tratan de crear sinteticamente unha abella a partir do último tarro de mel que se conserva na historia. Constrúen unha árbore no seu laboratorio para tratar de recuperar os ciclos naturais, que se perderon hai tempo.

Dous irmáns volven á casa familiar na aldea pola morte da súa nai. O conflito aflora cando deben xestionar as pertenzas familiares. O irmán máis vello opta por vendelo todo. A rapaza, máis nova, entra nunha crise vital porque se debate entre a súa acomodada vida nunha cidade afastada e a nostalxia que lle produce volver entrar en contacto cos obxectos e os recordos que marcan a súa historia vital.

LISTA DE DISTRIBUCIÓN: http://www.vilagarcia.es/gabinete