OPERACIÓN CENTINELA GALEGO DE DEFENSA DOS MONTES 2024

O Alcalde Luis Piña achegouse hoxe ata o Centro Cultural «O Pateiro» de Oroso, localización onde están despregados os efectivos militares da Brilat que forman parte da Operación Centinela Galego 2024

Unha operación conxunta entre a Consellería de Medio Rural da Xunta e o Ministerio de Defensa, en activo dende o pasado 15 de agosto  ata o 1 de outubro, de reforzo para loitar e previr os incendios forestais. Trátase dunha estratexia de despregamento de patrullas terrestres nas zonas da comunidade con maior actividade incendiaria, unha delas nas comarcas do Condado – Paradanta, con sede na Cañiza.

Nesta visita o Alcalde puido escoitar de primeira man a situación actual deste operativo, que nestes momentos é de máxima alerta e agradeceu a labor desenvolvida durante este verán no noso término municipal. Unha labor de vixiancia continua, de disuasión, visibilidade e de interacción coa nosa veciñanza, co obxectivo de rebaixar en todo o posible os índices de actividade incendiaria nos montes da nosa zona.

Neste encontro, un ano máis, Luis Piña reiterou “o compromiso e plena vontade do Concello de colaborar na loita contra os incendios” e agradeceu a “esencial labor que desenvolve o exército, baixo o mando único da Xunta, dende que no ano 2007 comezara esta Operación de loita contra os incendios forestais“.

Pola súa banda, o operativo militar tamén agradeceu a boa acollida que durante todo o despregamento recibe tanto dos veciños como da Institución Municipal, afirmando que o aloxamento e as instalacións ofrecidas polo Concello son dunha alta capacidade operativa.

As patrullas despregadas na Cañiza teñen o centro e unidade de mando na Casa Cultural «O Pateiro» de Oroso, adaptado para acoller esta Operación dende o ano 2019.