Política de brazos caídos do Goberno local de Vigo diante do grave problema do acceso social á vivenda

Temos as declaracións do portavoz municipal do BNG de Vigo, Xabier P. Igrexas, denunciando a política de brazos caídos do Goberno local diante do grave problema do acceso social á vivenda.

Igrexas afeou que non se teña executado nin un só dos acordos aprobados no Pleno en marzo, a través dunha moción do BNG, na que se recollían medidas concretas para frear a escalada de prezos do alugueiro na nosa cidade, cuxo prezo medio supera xa os 645 euros e cun aumento do 7,76% nos últimos doce meses.