POSPÓÑENSE AS ANDAINAS SAUDABLES DESTA SEMANA POLO MAL TEMPO

A concellería de Sanidade e o Centro de Saúde do Porriño informan de que as andainas saudables programadas para este mércores e venres pospóñense por mor das malas previsións meteorolóxicas.

Retomaranse a vindeira semana con normalidade e engadirase nova data. Lembramos que estas andainas están dirixidas a persoas maiores de 65 anos, duran aproximadamente unha hora e os participantes irán acompañados por persoal sanitario. Serán todos os mércores, ás 10:30 h e ás 19 h, e os venres ás 10:30 h, os meses de abril, maio e xuño. Para participar é necesario inscribirse no rexistro do Concello do Porriño indicando as quendas ás que se quere acudir.