Últimas prazas para participar nos torneos do I Marín Gaming Fest

Compartir
Marín Gaming Fest. Fonte: Concello

O primeiro evento de videoxogos da nosa vila celebrarase o 6, e 7 de novembro na Raña. No caso de League of Legends, o prazo de inscrición remata mañá xa que o luns comezará a fase online de clasificación.

O concurso de cosplay contará con fotógrafos e coa participación como convidada da cosplay local Sandra Garo.

 

Achégase o I Marín Gaming Fest e moitos dos torneos que formarán parte do evento de videoxogos da nosa vila comezan a reducir o número de prazas dispoñibles.

Tal e como informou esta mañá a asociación Gaming Troop, encargada da organización do evento, para o torno de Smash xa hai 57 inscritos, polo que só quedan cinco prazas dispoñibles.

Para League of Legends hai inscritos 22 equipos, o que suma 110 participantes aproximadamente. Mañá remata o período de inscrición para este xogo, ca que a fase online de clasificación comezará xogarse este luns. As quendas de xogo organizaranse de xeito aleatorio e automático a través da plataforma de inscrición. Os equipos aos que lles toque xogar na primera ronda serán avisados para que acorden o día e a hora exacta na que desputarán a partida.

No que respecta ao Fortnite, só quedan 5 prazas vacantes, xa que hai 55 inscritos ata o momento. E, finalmente, para Fifa21, hai 18 inscritos, polo que desde a organización animan a que os seareiros se anoten porque hai en xogo tres premios, con 50 euros no caso do primeiro posto.

Todos os torneos serán retransmitidos a través da canle de Twitch de Gaming Troop (www.twitch.tv/gamingtrooppontevedra) e para las inscricións, pode accederse á plataforma a través deste link: https://linktr.ee/gaming_troop

 

 

Concurso de cosplay

Por outra banda, desde Gaming Troop avisan de que virán dous fotógrafos para inmortalizar ás persoas que participen no concurso de cosplay e contartase coa presenza como convidada dunha cosplayer local, Sandra Garo. (https://www.instagram.com/unskilledproject).