Unha ducia de estradas municipais contan con novo pavimento

Compartir
Asfaltado estrada. Fonte: Concello

Os traballos incluíron a limpeza de cunetas, a mellora do firme e a instalación de canalizacións de pluviais nalgúns tramos.

Realizouse un investimento de 224.687 euros a través do Plan Concellos.

 

Unha ducia de estradas de titularidade municipal contan con novo pavimento asfáltico unha vez rematadas as obras de acondicionamento, executadas pola empresa Covsa e financiadas a través do programa provincial Plan Concellos.

 

Asfaltado. Fonte: Concello

 

Os traballos, que se levaron a cabo durante as últimas semanas, supuxeron o asfaltado de case 4,5 quilómetros de viais de distintas parroquias. Actuouse, en concreto, sobre as seguintes estradas: Carballa, Desabanda-Outeiriño, O Forno, Reguengo, Paredes, Laxes, Carracido, Baño, Moldes-Vilarello, Vilar, Raxoi e Balleas, que agora se atopan en condicións axeitadas para prestar un mellor servizo aos usuarios, tanto vehículos coma peóns.

 

Asfaltado. Fonte: Concello

 

O investimento que se realizou foi de 224.687,11 euros. Ademais do asfaltado con mestura bituminosa en quente de catro centímetros de espesor, tamén se realizaron traballos de limpeza de cunetas, realce de tapas de rexistro e, nalgúns tramos, instalación de canalizacións para a recollida de augas pluviais cos correspondentes sumidoiros.