Xabier P. Igrexas, BNG Vigo, declara “Cantas persoas máis teñen que malmorrer na mellor cidade para vivir”

Declaracións do portavoz municipal do BNG de Vigo, Xabier P. Igrexas, en relación á aparición dunha persoa morta durante o desaloxo forzoso en dous inmóbeis da rúa Fisterra, a 13ª persoa empobrecida morta en Vigo en infravivendas ou na rúa durante o último ano.

“Cantas persoas máis teñen que malmorrer na mellor cidade para vivir para que o Concello de Vigo e a Xunta actúen?”, cuestionou Igrexas, que urxiu despregar unha enérxica política de vivenda pública e atención social fronte ás situacións de vulnerabilidade.