4 de mayo de 2024
XUNTANZA URXENTE DA DIRECCIÓN PROVINCIAL SOCIALISTA EN APOIO A PEDRO SÀNCHEZ E BEGOÑA GÓMEZ
25 abril, 2024
A EXECUTIVA PROVINCIAL DO PSdeG-PSOE REÚNESE DE URXENCIA PARA APOIAR A PEDRO SÁNCHEZ E BEGOÑA GÓMEZ E DICIR, ALTO E CLARO, QUE BASTA XA E QUE NON TODO VALE EN POLÍTICA
O secretario xeral provincial do PSdeG-PSOE, David Regades, en nome e
representación das agrupacións socialistas dos 61 concellos da provincia
de Pontevedra expresa o noso apoio ao Presidente do Goberno de España
e secretario xeral do PSOE, Pedro Sánchez, e a súa esposa, Begoña Gómez.
Así como o noso rexeitamento rotundo á situación de acoso persoal que
PP e Vox están levando a cabo, superando tódolos límites.
Os e as socialistas da provincia de Pontevedra queremos manifestar diante
da sociedade desta provincia, sempre madura e responsable e que tanto
apoio nos ten brindado nos sucesivos procesos electorais, a nosa
solidariedade coa reflexión que o presidente vén de compartir a través da
súa carta á cidadanía. Queremos contribuír ao debate público para que a
democracia española decida ata que punto é tolerable esta violación
permanente dos dereitos e a dignidade das persoas que dedican parte da
súa vida á política e, aínda máis, dos dereitos máis elementais das súas
familias e persoas próximas.
En representación dos case 3.000 militantes socialistas desta provincia e
tamén das persoas que comparten con nós unha visión do mundo baseada
no progreso e no avance social, queremos trasladar persoalmente a Pedro
Sánchez e a Begoña Gómez o noso apoio para continuar traballando pola
convivencia en España, en Galicia e na provincia de Pontevedra, pola
dignificación das institucións e de todo aquelo que beneficie á vida da
xente. Queremos seguir poñendo da nosa parte para construír a España
que queremos: a que avanza en igualdade, democracia e xustiza social. A
España de todos, fronte á España duns poucos.
Hoxe, máis que nunca, é hora de estar unidos e unidas e plantar cara a
esta dereita e a esta extrema dereita que perciben o poder como algo que
lles pertence en exclusiva. A esta dereita e a esta extrema dereita que
utilizan os seus resortes en tódolos recunchos da sociedade para
deslexitimar ás institucións atacando á esencia mesma da democracia e
pisoteando a dignidade das persoas.
Estamos a vivir feitos sen precedentes e dunha extraordinaria gravidade.
Os e as socialistas da provincia de Pontevedra denunciámolos
publicamente e pechamos filas, sen fisuras, co Pedro Sánchez presidente,
secretario xeral do noso partido e, sobre todo, cidadán. Pechamos filas
con Begoña Gómez, atacada simplemente por ser esposa de quen é . Este
acoso nin é xusto, nin tolerable. É indecente.
Basta xa! Non todo vale!
David Regades Fernández
Secretario xeral provincial do PSdeG-PSOE
Te puede interesar...
4 de mayo de 2024
Vigo
-º
-
-
-
-
-
--
-
--
-
--
-
--
-
-