A exposición ‘As miradas de Isaac’, en Vigo

Compartir

Afundación, a Obra Social de ABANCA, e a Xunta de Galicia presentan mañá en Vigo a exposición «As miradas de Isaac», un proxecto expositivo co que se procura difundir a figura de Díaz Pardo que, tras ser visitada por máis de 26 000 persoas na súa primeira exhibición na Cidade da Cultura, continúa a súa itinerancia polas sedes de Afundación. O proxecto inaugurarase mañá na Sede Afundación de Vigo, coa presenza do conselleiro de Cultura, Educación e Universidade da Xunta de Galicia, Román Rodríguez; o vicepresidente de Afundación, Xosé Carlos Caneiro; e os comisarios da mostra e fillos de Isaac Díaz Pardo, Xosé e Camilo Díaz Arias de Castro.