A rede de abastecemento de auga da Cañiza volve a sufrir esta madrugada un segundo atentado e sabotaxe

Compartir

O Concello acaba de denunciar ante o Cuartel da Garda Civil da Cañiza o segundo atentado e sabotaxe á rede de abastecemento de augas de consumo do casco urbano ao atopar na noite de onte o tanque de cabeceira de Portoaugavella vacío e os fusibles dun dos pozos de barrena de aporte a este depósito arrancados. Este feito provocou a reducción da capacidade do tanque.

Ainda que as deficiencias da rede de abastecemento son un mal endémico dende hai 20 anos, o Concello leva xa meses traballando para dar a medio prazo unha solución definitiva a este problema.

Con todo, nos últimos días os veciños do casco urbán están sufrindo a falta de auga nas súas vivendas, sen que polo de agora se poida atopar a avería ou  fuga de auga.

O pasado 21 de setembro o Alcalde asinou un Bando polo que solicitaba a  colaboración cidadá achegando toda aquela información que poidera ser de axuda para solucionar calquera incidencia que afectara á rede de subministro de auga. Alentaba a que calquera  usuario que tivera coñecemento de accións que poideran atentar ou afectar ao normal funcionamento da Rede de Abastecemento (fugas, roturas, rego indebido, etc) o fixeran saber ao Concello para poder actuar con urxencia.

O Alcalde recordou esta mañá que o dano ás conduccións de aguas, a distracción do curso das augas e o desabastecemento deste ben como produto de primeira necesidade está tipificado no código penal.