2 noviembre, 2021
As entradas están dispoñibles a través de Ataquilla.com
Afundación, a Obra Social de ABANCA, presenta, con dirección de Marc Leroy-Calatayud e con Esteban Batallán á trompeta, a Real Filharmonía de Galicia no Teatro Afundación Vigo mañá, mércores 3 de novembro, ás 20.00 h, cun recital titulado «Músicos errantes». Richard Strauss, Franz Joseph Haydn e a estrea de Nightfall, do propio Batallán, serán os compositores que guiarán os acordes desta cita cultural.
Co compromiso de seguir promovendo as actividades culturais como un mecanismo fundamental para o progreso persoal e social, Afundación estableceu un esixente protocolo de medidas que permitan á cidadanía gozar de eventos de primeira orde coas maiores garantías de seguridade sanitaria posible.
A programación dos concertos
Todos os recitais incluídos na Tempada de Música Clásica terán lugar no Teatro Afundación de Vigo, (Policarpo Sanz, 13), ás 20.00 h.
A batuta de Paul Daniel dirixirá á Real Filharmonía, acompañada polo piano de Josu de Solaun, o 24 de novembro ás 20.00 h, nun recital de obras de Dora Pejacevic (Abertura en re menor, op. 499), Francis Poulenc ,(SInfonietta), e Serguéi Prokófiev ,(Concerto para piano núm. 2 en sol menor, op. 16).
O 3 de decembro, en colaboración co Ciclo de Música de Barcia de Mera, representarase a ópera María Estuardo, Stuarda, coa representación de Beatriz Díaz, Belén Elvira, Anna Icobalzeta e Maife Gil, con narración e dirección de escena de Camilo García, e piano e dirección musical de Juan Antonio Álvarez Parejo.
Alerta