Baiona suspende a Arribada 2020-2021

O Alcalde, Carlos Gómez, despois de consensuar as diferentes opcións coas asociacións de empresarios e comerciantes e o tecido asociativo, que son os que axudan a que a Arribada pódase levar a cabo, tomou a decisión xunto co seu grupo de goberno de suspender a Arribada 20/21.

Nesta situación de incerteza que xera o a crise do COVID, o Concello ten que actuar con responsabilidade non realizando eventos que non podan garantir a saúde pública e asegurando que a actividade económica do noso municipio poida continuar.

“Esperamos que a Arribada 2022, recuperando a súa data real sendo o primeiro fin de semana de marzo, poda celebrarse con todas as garantías e normalidade, para que tanto os veciños e veciñas como os visitantes desfruten dunha festa de Interese Turístico Internacional como se merecen”, declara o Sr. Gómez.