O AUDITORIO MUNICIPAL DE RIBADUMIA ACOLLE UN TRIBUTO A JOAQUÍN SABINA

A música e as emocións encherán este sábado o Auditorio Municipal de Ribadumia no Tributo a Joaquín Sabina que se ofrecerá a partir das 21:30 horas. Conductores Suicidas será quen se encargue de transportar aos asistentes ao mundo das inconfundibles letras do icónico cantautor.

O Tributo a Sabina promete ser unha velada única e chea de maxia, onde as cancións inmortais do artista resoarán no corazón do público. Desde “y nos dieron las diez” ata “19 días y 500 noches”, reviviranse os éxitos que marcaron a moitas xeracións.

As entradas anticipadas para este evento están dispoñibles en www.entradium.com a un prezo de 18€, mentres que en taquilla venderanse a un prezo de 22€.

O Concello de Ribadumia convida a toda a veciñanza a ser parte desta experiencia musical única, onde a paixón e a poesía de Joaquín Sabina cobrarán vida no escenario. Este tributo é só o comezo dunha emocionante programación que o Auditorio Municipal ten preparada para toda a tempada.

Non perdas esta oportunidade de gozar da música dun dos cantautores máis influíntes na historia da música en español. Vén a Ribadumia e somérxete no mundo de Joaquín Sabina.